ვოლოდიმირ ზელენსკიმ მადლობა გადაუხადა გვატემალას პრეზიდენტს უკრაინისადმი მკაფიო და თანმიმდევრული მხარდაჭერისთვის

უკრაინის პრეზიდენტ ვოლოდიმირ ზელენსკის განცხადებით, უკრაინა და გვატემალა შეთანხმდნენ, რომ საერთაშორისო პლატფორმებზე, რუსეთის შემდგომი იზოლაციისთვის ძალისხმევა გააერთიანონ.

ამის შესახებ უკრაინის ლიდერმა კიევში, გვატემალელ კოლეგა, ალეხანდრო ჯამატეისთან ერთობლივ ბრიფინგზე განაცხადა.

„დღეს ჩვენ შევთანხმდით, რომ საერთაშორისო პლატფორმებზე, რუსეთის შემდგომი იზოლაციისა და ამ ომის გამო ფასის გადახდის გაზრდასთან დაკავშირებით გავაგრძელოთ ჩვენი ძალისხმევა ", - განაცხადა ზელენსკიმ.

მისივე თქმით, რუსეთის აგრესიის სერიოზული შედეგები მსოფლიოში ყველგან იგრძნობა.

„ეს არის სასურსათო კრიზისი და ფასების დესტაბილიზაცია ყველგან, როგორც ენერგეტიკულ ბაზრებზე, ასევე პოლიტიკური გამოწვევები მთელი საერთაშორისო სამართლებრივი წესრიგისთვის. ცხოვრების ღირებულება ათობით ქვეყნის მოქალაქეებისთვის უსამართლოდ იზრდება, მათ შორის, ლათინურ ამერიკაში მხოლოდ იმიტომ, რომ ერთმა ქვეყანამ - რუსეთის ფედერაციამ გადაწყვიტა, მსოფლიოში არსებული პოლიტიკური და ეკონომიკური ურთიერთობების გაწყვეტა“, - განაცხადა ზელენსკიმ.

მედიის ცნობით, მან მადლობა გადაუხადა გვატემალას უკრაინისადმი მკაფიო და თანმიმდევრული მხარდაჭერისთვის და მისი უცვლელი პოზიციისთვის.

ზელენსკიმ ასევე მადლობა გადაუხადა გვატემალას რუსეთის წინააღმდეგ სანქციების პოლიტიკის მხარდაჭერისთვის.

მისი თქმით, გვატემალა მზად არის, რომ სპეციალური ტრიბუნალის შექმნის ინიციატივას შეუერთდეს, რომელიც რუსეთს უკრაინის ხალხის წინააღმდეგ აგრესიის დანაშაულისთვის დასჯის.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს