ჯონ კირბი - რუსეთის მიერ ოდესის პორტზე სარაკეტო თავდასხმა მათი ბინძური ტაქტიკის გამეორებაა, რომელიც მათ სირიაში გამოიყენეს, როცა ჰუმანიტარულ ტვირთს ბომბავდნენ

რუსეთის მიერ ოდესის პორტზე სარაკეტო თავდასხმა მათი ბინძური ტაქტიკის გამეორებაა, რომელიც მათ სირიაში გამოიყენეს, როდესაც ჰუმანიტარულ ტვირთს ბომბავდნენ,- ამის შესახებ CNN-ისთვის მიცემულ ინტერვიუში თეთრი სახლის ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ განაცხადა.

„სამწუხაროდ, ჩვენ რუსებისგან იგივე ქმედება წარსულშიც გვინახავს - შეიძლება გავიხსენოთ თუნდაც ომი სირიაში, სადაც ისინი დარტყმებს ახორციელებდნენ ჰუმანიტარული დახმარების ტვირთებზე, რომელიც გათვალისწინებული იყო სირიის მოქალაქეებისა და სირიელი ლტოლვილებისთვის“,- განაცხადა ჯონ კირბიმ.

კირბიმ ასევე აღნიშნა, რომ რუსული სარაკეტო თავდასხმა ოდესის პორტზე „აშკარად ეწინააღმდეგება“ მათ განცხადებებს, რომ ისინი მზად არიან შეასრულონ შეთანხმება კეთილსინდისიერად. ამასთან, მან იმედი გამოთქვა, რომ ეს აღარ განმეორდება.

მან ასევე აღნიშნა, რომ, თავის მხრივ, შეერთებული შტატები შეაფასებს, რა სახის დაზიანება მიაყენა სარაკეტო თავდასხმებმა და რამდენად შეიძლება ამან იმოქმედოს ოდესის პორტში მარცვლეულის ტერმინალების ფუნქციონირებაზე.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა