სუს-ის სასწავლო ცენტრსა და BTU-ს შორის მემორანდუმი გაფორმდა

საქართველოს სახელმწიფო უსაფრთხოების სამსახურის სასწავლო ცენტრსა და ბიზნესისა და ტექნოლოგიების უნივერსიტეტს (BTU) შორის ურთიერთთანამშრომლობის მემორანდუმს მოეწერა ხელი.

ურთიერთთანამშრომლობის მიზანს უსაფრთხოების კვლევების მიმართულებით ახალი, მსოფლიოში აღიარებული სტანდარტების შესაბამისი სამაგისტრო პროგრამის შემუშავება და განხორციელება წარმოადგენს.

სამაგისტრო პროგრამა მოიცავს სხვადასხვა პრაქტიკულ და სამეცნიერო-კვლევით აქტივობას, რომელსაც შერჩეული მაგისტრანტები სახელმწიფო უსაფრთხოების სამსახურის სასწავლო ცენტრში გაივლიან.

პროექტი უნიკალურია თავის შინაარსით და აერთიანებს სასწავლო კურსებს ეროვნული უსაფრთხოების, კიბერუსაფრთხოების, დაზვერვის, საერთაშორისო პოლიტიკის, საერთაშორისო ურთიერთობების, ეკონომიკის, თანამედროვე კონფლიქტებისა და სხვა სფეროებში. კურსებს დარგის წამყვანი ექსპერტები და უსაფრთხოების სფეროს პრაქტიკოსი სპეციალისტები გაუძღვებიან.

პროგრამის მეთოდოლოგია იქნება კვლევაზე დაფუძნებული. პროგრამაში, ასევე, ინტეგრირებული იქნება სწავლების პრაქტიკული მეთოდი - „სწავლა კეთებით“ (learning by doing), რომელიც მაგისტრანტებს მისცემს შესაძლებლობას, შეიძინონ პრაქტიკული ცოდნა და გამოიმუშაონ პროფესიული უნარები.

სამაგისტრო პროგრამა შემუშავდა საქართველოში ევროკავშირის წარმომადგენლობის მხარდაჭერით. აღნიშნული თანამშრომლობის ფარგლებში საქართველოში იმყოფებოდა ესპანელი ექსპერტი უსაფრთხოების საკითხებში, რუბენ არკოსი, რომელმაც ქართველ ექსპერტებთან ერთად მოამზადა კურიკულუმი.

(R)

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი