რუსეთი საერთაშორისო კოსმოსურ სადგურს 2024 წლის შემდეგ დატოვებს, რათა საკუთარი ორბიტული „ავანპოსტის“ აგებაზე ფოკუსირდეს.
აღნიშნულის შესახებ რუსეთის სახელმწიფო კოსმოსური კორპორაცია „როსკოსმოსის“ ხელმძღვანელმა იური ბორისოვმა განაცხადა.
ინფორმაციას დასავლური მედია ავრცელებს.
ცნობისთვის, ამ თვის დასაწყისში, ბორისოვმა პრეზიდენტ ვლადიმერ პუტინთან შეხვედრისას განაცხადა, რომ რუსეთი სხვა პარტნიორების წინაშე აღებულ თავის ვალდებულებებს შეასრულებს, სანამ პროექტს დატოვებს.
მედიის ცნობით, ეს ოფიციალურ მოსკოვსა და დასავლეთს შორის უკრაინის ომის გამო უწყვეტი დაძაბულობის ფონზე ხდება.