ლიეტუვას პრეზიდენტი გიტანას ნაუსედა კიევში ჩავიდა. აღნიშნულის შესახებ ინფორმაციას ლიეტუვას ლიდერი „ტვიტერის“ გვერდზე ავრცელებს.
ნაუსედას თქმით, ვიზიტის ფარგლებში იგი უმაღლეს რადას სიტყვით მიმართავს და ასევე უკრაინის პრეზიდენტ ვოლოდიმირ ზელენსკის შეხვდება.
„კიევში ჩამოვედი ამ განსაკუთრებულ დღეს, როდესაც უკრაინა სახელმწიფოებრიობის დღეს აღნიშნავს. უკრაინელ ხალხს პირველად, უმაღლეს რადაში მივმართავ. ასევე შევხვდები პრეზიდენტ ზელენსკის და მას, ვიტაუტას დიდის - ლიეტუვას უმაღლესი სახელმწიფო ორდენით დავაჯილდოებ“, - წერს ნაუსედა.