გერმანიის ეკონომიკის მინისტრმა განაცხადა, რომ „ჩრდილოეთის ნაკადი-2“-ის გაზსადენის ექსპლუატაციაში ჩართვა არ განიხილება
გერმანიის ეკონომიკის მინისტრმა, რობერტ ჰაბეკმა განაცხადა, რომ „ჩრდილოეთის ნაკადი-2“-ის გაზსადენის ექსპლუატაციაში ჩართვა არ განიხილება, რადგან ეს მხოლოდ რუსეთის პრეზიდენტის ვლადიმერ პუტინის წისქვილზე დაასხამს წყალს.
„ჩემი აზრით, ეს არასწორი იქნება და არ განიხილება”, - განაცხადა ჰაბეკმა.
„ჩრდილოეთის ნაკადი-2“-ის გაზსადენი მიზნად ისახავდა რუსული გაზის მიწოდების გაორმაგებას პირდაპირ გერმანიაში, თუმცა ოფიციალურმა ბერლინმა, მოსკოვთან დიპლომატიური ურთიერთობების გაუარესების ფონზე, უკრაინაში რუსეთის შეჭრამდე ორი დღით ადრე, გადაწყვიტა, რომ ის არ ამოქმედებულიყო.
