სლოვენიის საგარეო საქმეთა მინისტრი აცხადებს, რომ ევროკავშირი უკრაინასთან გაწევრიანებაზე მოლაპარაკებებს მაშინ დაიწყებს, როცა კიევი ევროკომისიის 7 კრიტერიუმს შეასრულებს

სლოვენიის საგარეო საქმეთა მინისტრი ტანია ფაიონი მიიჩნევს, რომ ევროკავშირი უკრაინასთან გაწევრიანებაზე მოლაპარაკებებს მაშინ დაიწყებს, როცა კიევი ევროკომისიის შვიდ კრიტერიუმს შეასრულებს. ამის შესახებ მან უკრაინულ მედიას განუცხადა.

"ძალიან ბედნიერი ვარ, რომ უკრაინამ ევროკავშირის კანდიდატის სტატუსი მიიღო. ეს იყო ძალიან ძლიერი სიმბოლური და პოლიტიკური გზავნილი, რომ თქვენ ხართ ევროპის ნაწილი და გაქვთ მკაფიო ევროპული პერსპექტივა", - აღნიშნა ფაიონმა.

სლოვენიის პირველმა დიპლომატმა ხაზგასმით აღნიშნა, რომ მხოლოდ უკრაინაზეა დამოკიდებული, როდის დაიწყებენ გაწევრიანების მოლაპარაკებებს.

„თქვენ გაქვთ სია, იმისა რაც უნდა განახორციელოთ - პირველი, მართლმსაჯულების რეფორმა. როცა კანდიდატის სტატუსს იღებ, საქმე სიმბოლიზმში არაა. ეს ეხება გაწევრიანების წინა ფონდს და მთელი რეფორმების პროცესს. ამის შემდეგ ევროკავშირი ვალდებულია დაიწყოს გაწევრიანების შესახებ მოლაპარაკებები“, - დასძინა სლოვენიის საგარეო საქმეთა მინისტრმა.

ფაიონმა აღნიშნა, რომ გაწევრიანების პროცესს შეიძლება დიდი დრო დასჭირდეს, მაგრამ ეს შეიძლება უფრო სწრაფად განხორციელდეს, თუ პოლიტიკური ნება იქნება ევროკავშირში და უკრაინა კი ევროპული ინტეგრაციის ერთგული.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის