რუსეთმა იგრძნო სამხრეთით საკუთარი დაჯგუფების გაძლიერების აუცილებლობა. ცალსახაა, ამას ძალების გადაადგილებით შეეცდება, რომელიც ახლა დონბასშია განთავსებული,- ამის შესახებ ბრიტანული დაზვერვის უახლეს ანგარიშშია ნათქვამი.
ამასთან, რუსული ძალები ცდილობენ ბახმუტის მიმართულებით შეტევას, სადაც ოკუპანტები პროგრესს აღწევენ.
„როგორც გასულ კვირას უკრაინის ხელისუფლება აცხადებდა, დიდი ალბათობით, რუსეთი თავისი ძალების მნიშვნელოვან ნაწილს დონბასის ჩრდილოეთ სექტორიდან უკრაინის სამხრეთით გადაიყვანს. რუსეთი დააკორექტირებს დონბასზე თავდასხმის ოპერატიულ გეგმას მას შემდეგ, რაც ვერ შეძლო ოპერატიული გარღვევა გეგმის მიხედვით, რომელსაც ის აპრილიდან მოყოლებული ეყრდობოდა. ახლა, როგორც ჩანს, ფრონტი ზაპოროჟიესთან განსაზღვრეს როგორც სუსტი მონაკვეთი, რომელიც გაძლიერებას საჭიროებს“,- ნათქვამია ინფორმაციაში.