გიორგი ვაშაძე გუდაურში მომხდარ ტრაგედიაზე  - ყველა ასეთი შემთხვევა გაკვეთილი უნდა იყოს ჩვენთვის,  რომ მომავალში კარგად ავაწყოთ სამაშველო სისტემები

სამომავლოდ ყველა ასეთი შემთხვევა გაკვეთილი უნდა იყოს ჩვენთვის, რომ მომავალში კარგად ავაწყოთ სამაშველო სისტემები, რომლებიც ქვეყანაში გვაქვს, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ჟურნალისტებს სამების საკათედრო ტაძარში განუცხადა, სადაც გუდაურში ვერტმფრენის ჩამოვარდნის შედეგად დაღუპულთა სამოქალაქო პანაშვიდი მიმდინარეობს.

გიორგი ვაშაძემ დაღუპულთა ოჯახის წევრებს და საქართველოს მიუსამძიმრა.

„პირველ რიგში, ვუსამძიმრებ ოჯახის წევრებს, მთელს საქართველოს. საშინელი ტრაგედია მოხდა, რომელმაც საქართველოში არავინ დატოვა გულგრილი. მათი სულები გაანათლოს ღმერთმა. ისინი გმირულად, სხვა ადამიანის სიცოცხლის გადასარჩენად წავიდნენ. ვუსამძიმრებ ოჯახის წევრებს, მთელს საქართველოს. ერთიანები უნდა ვიყოთ ასეთ დღეებში და სამომავლოდ ყველა ასეთი შემთხვევა გაკვეთილი უნდა იყოს ჩვენთვის, იმისთვის, რომ მომავალში კარგად ავაწყოთ სხვადასხვა სამაშველო სისტემა, რომელიც ქვეყანაში გვაქვს“, - განაცხადა ვაშაძემ.

შეგახსენებთ, რომ გუდაურში სამაშველო ოპერაციისას ვერტმფრენი ჩამოვარდა, რასაც ბორტზე მყოფი რვავე პირის სიცოცხლე ემსხვერპლა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის