დღევანდელი დღე არის თანამედროვე საქართველოს ისტორიაში ერთ-ერთი ყველაზე მძიმე დღე, - ამის შესახებ იუსტიციის მინისტრმა, რატი ბრეგაძემ, სამების საკათედრო ტაძარში, გუდაურში ვერტმფრენის ჩამოვარდნის შედეგად დაღუპულთა სამოქალაქო პანაშვიდზე მისვლის შემდეგ განაცხადა.

მინისტრმა დაღუპულთა ოჯახებს მიუსამძიმრა და მათ გამძლეობა უსურვა.

„დღევანდელი დღე არის თანამედროვე საქართველოს ისტორიაში ერთ-ერთი ყველაზე მძიმე დღე. დაღუპულია 8 ადამიანი, რომლებმაც საკუთარი სიცოცხლე სხვისი სიცოცხლის გადასარჩენად გაიღო. მინდა მივუსამძიმრო მათ ოჯახებს და ვუსურვო დიდი გამძლეობა“, - განაცხადა ბრეგაძემ.

შეგახსენებთ, რომ გუდაურში სამაშველო ოპერაციისას ვერტმფრენი ჩამოვარდა, რასაც ბორტზე მყოფი რვავე პირის სიცოცხლე ემსხვერპლა. დაღუპულია ორი მაშველი, სასწრაფო დახმარების სამსახურის 2 ექიმი და სასაზღვრო პოლიციის 4 მფრინავი.