ბექა დავითულიანი გუდაურში დაღუპულებზე - მათ ჰქონდათ ისეთი სამსახური, რომელიც ყოველდღიურად ითხოვდა გმირობას და მათ გმირულად დატოვეს ეს ქვეყანა

მათ ჰქონდათ ისეთი სამსახური, რომელიც ყოველდღიურად ითხოვდა გმირობას და მათ გმირულად დატოვეს ეს ქვეყანა, - ამის შესახებ საპარლამენტო უმრავლესობის წევრმა ბექა დავითულიანმა სამების საკათედრო ტაძარში გუდაურში ვერტმფრენის ჩამოვარდნის შედეგად დაღუპულთა სამოქალაქო პანაშვიდზე მისვლის შემდეგ განაცხადა.

დავითულიანის განცხადებით, ამ გმირმა ადამიანებმა თავისი საქმის და ქვეყნის ერთგულება თავისი სიცოცხლით დაამტკიცეს.

“დღეს საქართველოსთვის ნამდვილად ტრაგიკული დღეა. თავის საუკეთესო შვილებს უკანასკნელ გზაზე აცილებს. მათ ჰქონდათ ისეთი სამსახური, რომელიც ყოველდღიურად ითხოვდა გმირობას და მათ გმირულად დატოვეს ეს ქვეყანა. თავისი საქმის და ქვეყნის ერთგულება დაამტკიცეს თავისი სიცოცხლით. ვიზიარებ ოჯახის მწუხარებას. ერთ-ერთ მათგანთან ბავშვობაში მეგობრობა მაკავშირებდა”, - განაცხადა დავითულიანმა.

შეგახსენებთ, რომ გუდაურში სამაშველო ოპერაციისას ვერტმფრენი ჩამოვარდა, რასაც ბორტზე მყოფი რვავე პირის სიცოცხლე ემსხვერპლა. დაღუპულია ორი, სასწრაფო დახმარების სამსახურის 2 ექიმი და სასაზღვრო პოლიციის 4 მფრინავი.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის