ამერიკის შეერთებული შტატების წარმომადგენელთა პალატის სპიკერის ნენსი პელოსის შესაძლო ვიზიტის საპასუხოდ ჩინეთმა ტაივანში წარმოებული 35 სახის პროდუქტის იმპორტი აკრძალა. Reuters-ის მიხედვით, იმ პროდუქტებს შორის, რომელთა იმპორტიც ჩინეთმა აკრძალა ძირითადად საკონდიტრო ნაწარმი, ორცხობილები და პურფუნთუშეული მოხვდა.
ტაივანის ცენტრალური საინფორმაციო სააგენტოს განცხადებით, აკრძალვა 3 200-ზე მეტ კომპანიას შეეხო, რომელიც აღნიშნულ პროდუტებს აწარმოებს.
ცნობისთვის, ტაივანის მედიის ინფორმაციით, ნენსი პელოსის თვითმფრინავი აშშ-ის დელეგაციასთან ერთად, ტაიბეიში სუნშანის აეროპორტში ადგილობრივი დროით 21:00 საათიდან 21:30-საათამდე დაეშვება. დილით კი ტაივანის პარლამენტს ეწვევა, სადაც კუნძულის მმართველებს შეხვდება. არსებული ინფორმაციით, ის კუნძულს ხვალ შუადღისთვის დატოვებს.