უნგრეთი დაბლოკავს ევროკავშირის გადაწყვეტილებებს, რომლებსაც საკუთარი თავისთვის მავნებლად მიიჩნევს. ამის შესახებ უნგრეთის პრემიერ-მინისტრმა ვიქტორ ორბანმა განაცხადა.

ამასთან, მან აღნიშნა, რომ ევროკავშირი არა ბრიუსელში, არამედ ვენაში, ბუდაპეშტში, ვარშავაში, ბერლინსა და მადრიდშია.

ორბანის განცხადებით, უნგრეთი ყოველთვის გამოხატავს მის შეხედულებას საერთო ევროპულ გადაწყვეტილებებთან დაკავშირებით.

„ჩვენ ვმონაწილეობთ ყველა გადაწყვეტილებაში, ყოველთვის ვამბობთ ჩვენს მოსაზრებას და თუ გაჩნდება მოსაზრება, რომელსაც ჩვენ არ ვეთანხმებით, ჩვენ ამის შესახებ ვიტყვით. ბრიუსელი ჩვენი უფროსი არ არის. ჩვენ დამოუკიდებელი, სუვერენული უნგრელი ერი ვართ. ჩვენ გადაწყვეტილებებს ერთად ვიღებთ. თუ გადაწყვეტილებები ჩვენ არ შეგვესაბამება, ამას ვიტყვით, თუ გადაწყვეტილებები ცუდია და ჩვენ მათი შეჩერება შეგვიძლია, საერთო გადაწყვეტილება არ იქნება“,- განაცხადა ორბანმა.