რუსეთი ელენოვკის კოლონიაზე დარტყმის შესახებ მტკიცებულებების ფაბრიკაციაზე მუშაობს, რათა ბრალი უკრაინის შეიარაღებულ ძალებს დასდოს. ამის შესახებ Associated Press ამერიკული დაზვერვის წყაროზე დაყრდნობით წერს.
აშშ-ის დაზვერვაში გაარკვიეს, რომ რუსეთი ცდილობს საქმეში ჩადოს მცდარი სამხილები, რათა ელენოვკაში სამხედრო ტყვეების გარდაცვალებაზე პასუხისმგებლობა უკრაინას დააკისროს.
წყარო, რომელისთვისაც ცნობილია ამერიკული დაზვერვის მიერ მოპოვებული ინფორმაცია, აცხადებს, რომ რუსი ოფიციალური პირები შეეცდებიან საქმეში ჩადონ „ჰაიმარსის“ ტიპის მაღალი მობილობის მქონე საარტილერიო სარაკეტო სისტემების საბრძოლო მასალა, იმის მტკიცებულებად, რომ თავდასხმა განხორციელდა აშშ-ის მიერ უკრაინისთვის მიწოდებული სისტემებიდან.