გურამ მაჭარაშვილი - უკრაინის ხელისუფლება გვეუბნება, რომ საომარ მდგომარეობაში უნდა ჩავერთოთ - კითხვების ხარისხი აშშ-ის ელჩის მიმართ კიდევ უფრო გაზარდა დანილოვის განცხადებამ

უკრაინის ხელისუფლება გვეუბნება, რომ საომარ მდგომარეობაში უნდა ჩავერთოთ - კითხვების ხარისხი აშშ-ის ელჩის მიმართკიდევ უფრო გაზარდა დანილოვის განცხადებამ, - ამის შესახებ „ქართული ოცნებიდან“ წასულმა დეპუტატმა გურამ მაჭარაშვილმა ჟურნალისტებთან განაცხადა.

მისი თქმით, აშშ-ის ელჩისგან საჭიროა მკაფიო განცხადება, რომელიც ომის რიტორიკას გაემიჯნება.

„იყო და რჩება სურვილი, რომ საქართველო საომარ მდგომარეობაში იყოს ჩათრეული. ბატონი დანილოვი არ არის რიგითი უკრაინელი და არც რიგითი საჯარო მოხელე, სამეულში თუ ორეულშია უკრაინის ხელისუფლების და ეს არ არის მხოლოდ მისი სურვილი, არც მხოლოდ ერთხელ გაკეთებული განცხადება - გვახსოვს არესტოვიჩის, არახამიას და ბევრი სხვა მაღალი თანამდებობის პირის განცხადებები. ეს ბოლო განცხადება პრაქტიკულად იყო საჯარო მტკიცებულება, რომ უკრაინის ხელისუფლება გვეუბნება, რომ საომარ მდგომარეობაში უნდა ჩავერთოთ. აქ დასკვნაა გასაკეთებელი, თუ საუბარია, რომ ჩვენ და უკრაინას უნდა გვქონდეს და ნამდვილად უნდა გვქონდეს მეგობრული და პარტნიორული ურთიერთობები და ორივე სახელმწიფო ვართ რუსეთის აგრესიის მსხვერპლი, ორივეს გვერდში გვიდგას აშშ და ევროკავშირი, მაშინ გაუგებარია, რატომ უნდა უნდოდეს უკრაინის ხელისუფლებას ისედაც რუსეთისგან ოკუპირებული საქართველოს ომში ჩართვა და ამაზე დუმდეს აშშ-ის თუ ევროკავშირის საელჩო. კითხვები, რაც არსებობდა და დღემდე არსებობს აშშ-ის ელჩის მიმართ და ასევე ევროკავშირის მიმართაც, მაგრამ პირველ რიგში დასმულია კითხვები აშშ- ის ელჩის მიმართ, იზრდება და ამ კითხვების ხარისხი კიდევ უფრო გაზარდა ბატონი დანილოვის ამ განცხადებამ. საზოგადოებაში ჩნდება ლეგიტიმური კითხვა, ჩვენ და უკრაინა ვართ პარტნიორები, ჩვენი პარტნიორია აშშ, ევროკავშირთან გვაქვს კარგი ურთიერთობა, გვინდა, რომ ეს ურთიერთობები შევინარჩუნოთ. მაშ, ვის სურს მოხდეს საქართველოს საზოგადოების ჩართვა საომარ მდგომარეობაში, რაშიც სამწუხაროდ, ბევრს აქვს სურვილი, რომ ჩაერთოს, ამიტომ გვჭირდება აშშ-ის ელჩის ძალიან მკაფიო განცხადება, რომელიც გაემიჯნება ამ რიტორიკას, რასაც ჰქვია ომის რიტორიკა,“ - განაცხადა მაჭარაშვილმა.

უკრაინის უშიშროების საბჭოს მდივანმა, ოლექსეი დანილოვმა უკრაინულ მედია24 Канал-თან ინტერვიუში განაცხადა, რომ „თუ საქართველო აფხაზეთსა და ცხინვალის რეგიონს საკუთარ ტერიტორიებად მიიჩნევს, შეუძლია დაიცვას საკუთარი მიწები“.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის