ჯონ კირბი - აშშ ძალიან ყურადღებით აკვირდება ჩინეთის სამხედრო წვრთნებს იაპონიის მახლობლად

ამერიკის შეერთებული შტატები ძალიან ყურადღებით აკვირდება ჩინეთის სამხედრო წვრთნებს იაპონიის მახლობლად - ამის შესახებ აშშ-ის ეროვნული უშიშროების საბჭოს კოორდინატორმა სტრატეგიული კომუნიკაციების საკითხებში, ჯონ კირბიმ განაცხადა.

ჟურნალისტის კითხვაზე, გამოიწვია თუ არა აშშ-ის წარმომადგენელთა პალატის სპიკერის, ნენსი პელოსის ტაივანში ვიზიტმა ჩინეთის სამხედრო წვრთნები, კირბიმ უპასუხა, რომ „აქ პროვოკატორი პეკინია“.

„ერთ-ერთი შემაშფოთებელი რამ, რაც მსგავს წვრთნებს ან რაკეტების გაშვებას ახლავს, არის გაანგარიშების რისკი, შეცდომის რისკი, რომელმაც ფაქტობრივად შეიძლება რაიმე სახის კონფლიქტი გამოიწვიოს“, - დასძინა კირბიმ.

ცნობისთვის, იაპონიის თავდაცვის მინისტრმა ნობუო კიშიმ განაცხადა, რომ სამხედრო წვრთნების ფარგლებში, ჩინეთის მიერ გასროლილი ხუთი ბალისტიკური რაკეტა იაპონიის ექსკლუზიურ ეკონომიკურ ზონაში დაეშვა, რაც, მისი თქმით, ოფიციალურმა ტოკიომ მკაცრად გააპროტესტა დიპლომატიური არხებით.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება