ტაილანდში კლუბში გაჩენილი ხანძრის შედეგად, სულ მცირე 13 ადამიანი გარდაიცვალა, ათობით დაშავდა

ტაილანდის სამხრეთ-აღმოსავლეთში, ჩონბურის პროვინციაში, ღამის კლუბში გაჩენილი ხანძრის შედეგად 13 ადამიანი დაიღუპა და 41 დაშავდა.

სამართალდამცავების განცხადებით, ცეცხლი პარასკევს, ადგილობრივი დროით 1:00 საათზე გაჩნდა.

ინტერნეტში გავრცელებულ კადრებში ჩანს, თუ როგორ გამორბიან კლუბიდან ცეცხლმოკიდებული ადამიანები.

მეხანძრეები ხანძრის ლიკვიდირებას ორ საათზე მეტი ხნის განმავლობაში ცდილობდნენ. გარდაცვლილთა ცხედრები, რომელთაგან ოთხი ქალი იყო, ხოლო ცხრა მამაკაცი, უმეტესად სადარბაზოსთან და სააბაზანოებში იპოვეს.

ტაილანდის პრემიერ-მინისტრმა განაცხადა, რომ დაზარალებულთა ოჯახები ხელისუფლებისგან დახმარებას მიიღებენ და მოუწოდა გასართობ ადგილებს ქვეყნის მასშტაბით, უზრუნველყონ შესაბამისი საევაკუაციო გასასვლელები და უსაფრთხოების ზომები.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა