ნიკა სიმონიშვილი - რუსეთის მოქალაქეების მიმართ ქსენოფობია  ხელისუფლების მხრიდან ხელოვნურად დასახელებული პრობლემაა - ვინც ამას ამბობს, არ ესმის, რა არის ქსენოფობია ან შეცდომაში შეჰყავს საზოგადოება

ჩვენ ვცხოვრობთ განსხვავებული ეთნოსის წარმომადგენლებთან ერთად მრავალი წელია და ამ ქვეყანაში არასდროს ყოფილა ­ქსენოფობიის პრობლემა. ეს არის ხელოვნურად დასახელებული პრობლემა ხელისუფლების მხრიდან, - ამის შესახებ „ახალგაზრდა იურისტთა ასოციაციის“ ხელმძღვანელმა ნიკა სიმონიშვილმა ჟურნალისტებთან განაცხადა, რითაც რუსეთის მოქალაქეების მიმართ აგრესიასა და ქსენოფობიაზე მმართველი გუნდის განცხადებებს გამოეხმაურა.

ამასთან, ნიკა სიმონიშვილი მიიჩნევს, რომ ხელისუფლება ფსიქოლოგიურ ტერორს მიმართავს, როცა ომზე საუბრობს.

„ამ ქვეყანაში ომი არავის უნდა, ეს არის ფსიქოლოგიური ტერორის გაგრძელება ხელისუფლების მიერ საზოგადოების მიმართ. ვისმენთ რიტორიკას, რომლითაც ხელისუფლება ცდილობს საზოგადოების დაყოფას და ამ რიტორიკით ცდილობს დაშინებას, რომ ადამიანები, ვისაც განსხვავებული, არგუმენტირებული აზრი გვაქვს სხვადასხვა საკუთხზე, მართლმსაჯულება იქნება, არჩევნები თუ სხვა პრობლემური საკითხები, თითქოს ომი გვინდა. არავის უნდა ომი, არავის ეს არ უთქვამს, არავინ არის ქსენოფობი, ჩვენ ვცხოვრობთ განსხვავებული ეთნოსის წარმომადგენლებთან ერთად მრავალი წელია და ამ ქვეყანაში არასდროს ყოფილა ქსენოფობიის პრობლემა. დღეს რატომ ჩნდება ეს პრობლემა. ეს არის ხელოვნურად დასახელებული პრობლემა ხელისუფლების მხრიდან. რეაქცია - როცა შეურაცხყოფას აყენებენ ადამიანს და ის ამაზე პასუხს აბრუნებს, ეს ქსენოფობია არ არის. ქსენოფობიაა კონკრეტული მოტივით ეთნიკური ჯგუფის ან უცხოელების მიმართ სიძულვილი. აქ საუბარია არა კონკრეტული ეთნოსის ან ზოგადად უცხოელების სიძულვილზე. როცა ადამიანს შეურაცხყოფას აყენებენ, რაზეც პასუხს აბრუნებს და ღიზიანდება, ეს არ შეიძლება ქსენოფობიად ჩაითვალოს. ვინც ამაზე ამბობს რომ ქსენოფობიაა, ან არ ესმის, რა არის ქსენოფობია ან შეცდომაში შეჰყავს საზოგადოება,“ - განაცხადა სიმონიშვილმა.

შეგახსენებთ, დღეს „ქართული ოცნების“ თავმჯდომარემ, ირაკლი კობახიძემ განაცხადა, რომ „ნაციონალურ მოძრაობას“, მის სატელიტ პარტიებს, მისივე კუთვნილ მედიასაშუალებებსა და რამდენიმე ყველაზე მდიდარ „ენჯეოებს“, საქართველოში მყოფი რუსეთის მოქალაქეების წინააღმდეგ ქსენოფობიური და შოვინისტური კამპანია აქვთ წამოწყებული.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება