საბერძნეთის სადაზვერვო სამსახურის უფროსმა პანაიოტის კონტოლეონმა თანამდებობა დატოვა

საბერძნეთის მთავრობაზე მზარდი ზეწოლის ფონზე, ქვეყნის სადაზვერვო სამსახურის უფროსმა პანაიოტის კონტოლეონმა თანამდებობა დატოვა. საქმე ეხება ჯაშუშური ვირუსული პროგრამის გამოყენებასთან დაკავშირებულ სკანდალს.

ინფორმაციას სააგენტო „როიტერსი“ საბერძნეთის პრემიერ-მინისტრის ოფისზე დაყრდნობით ავრცელებს.

ამ კვირის დასაწყისში კონტოლეონმა აღიარა, რომ მის დაქვემდებარებაში მყოფი საბერძნეთის დაზვერვის სამსახური ქვეყანაში მომუშავე CNN-ის ჟურნალისტს, ტანასის კუკაკისს უთვალთვალებდა.

მედიის ცნობით, კონტოლეონეს გარდა, თანამდებობა დატოვა საბერძნეთის პრემიერ-მინისტრის კირიაკოს მიცოტაკისის მთავარმა თანაშემწემ, გენერალურმა მდივანმა გრიგორის დიმიტრიადისმა. საბერძნეთის მთავრობა აცხადებს, რომ ხელისუფლება არ იყენებს მავნე პროგრამას, რომელიც სავარაუდოდ CNN-ის ჟურნალისტის ტელეფონის გასატეხად გამოიყენეს. ამასთან, მთავრობა უარყოფს იმ კომპანიებთან საქმიან ურთიერთობას, რომლებიც აღნიშნულ ჯაშუშურ კომპიუტერულ პროგრამას ყიდიან.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა