პუტინის და ერდოღანის შეხვედრა 4 საათს გაგრძელდა - პრეზიდენტები ტრანსპორტის, სოფლის მეურნეობის, ფინანსებისა და სამშენებლო ინდუსტრიებში თანამშრომლობის გაძლიერებაზე შეთანხმდნენ

რუსეთისა და თურქეთის პრეზიდენტები ტრანსპორტის, სოფლის მეურნეობის, ფინანსებისა და სამშენებლო ინდუსტრიებში თანამშრომლობის გაძლიერებაზე შეთანხმდნენ. ამის შესახებ ლიდერების ერთობლივ განცხადებაშია აღნიშნული.

მედიის ცნობით, სოჭში ვლადიმერ პუტინსა და რეჯეფ თაიფ ერდოღანს შორის შეხვედრა ოთხ საათს გაგრძელდა.

ერთობლივ განცხადებაში რუსეთისა და თურქეთის პირველმა პირებმა ხაზი გაუსვეს უკრაინის შავი ზღვის პორტებიდან მარცვლეულის ექსპორტის შესახებ „სტამბოლის შეთანხმების სრული განხორციელების აუცილებლობას, მათ შორის რუსული მარცვლეულის, სასუქისა და მათი წარმოებისთვის საჭირო ნედლეულის შეუფერხებელ ექსპორტს“.

გარდა ამისა, მოლაპარაკებების შემდეგ, რუსეთის ვიცე-პრემიერმა ალექსანდრე ნოვაკმა ჟურნალისტებს განუცხადა, რომ ორი ლიდერი რუსული გაზის საფასურის ნაწილის რუბლებში გადახდაზე შეთანხმდა. ორივე მხარემ ასევე "დაადასტურეს სიმტკიცე, კოორდინირებულად და სოლიდარულად იმოქმედონ სირიაში ყველა ტერორისტული ორგანიზაციის წინააღმდეგ ბრძოლაში".

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს