ისრაელსა და „პალესტინის ისლამურ ჯიჰადს“ შორის ღაზას სექტორში, ბოლო ესკალაციის განსახილველად, გაეროს უშიშროების საბჭო ორშაბათს საგანგებო დახურულ შეხვედრას გამართავს. ამის შესახებ გაეროში პალესტინის ელჩმა რიად მანსურმა განაცხადა.

შეხვედრის გამართვა გაეროს უშიშროების საბჭოს წევრმა, არაბეთის გაერთიანებულ საემიროებმა მოითხოვა.

„აიღეთ საკუთარი პასუხისმგებლობა, რათა შეაჩეროთ ისრაელის აგრესია ჩვენი ხალხის წინააღმდეგ ღაზას სექტორში და უზრუნველყავით პალესტინელი ხალხის საერთაშორისო დაცვა”, - მოუწოდა პალესტინის მისიამ გაეროს უშიშროების საბჭოს წევრებს.