რეჯეფ თაიფ ერდოღანი - თუ სომხეთი სწორად შეაფასებს პროცესებს და უპასუხებს აზერბაიჯანისა და თურქეთის გულწრფელ მოწოდებებს, დარწმუნებული ვარ, რეგიონში სტაბილურობა მალე დამყარდება

თურქეთის პრეზიდენტი რეჯეფ თაიფ ერდოღანი დარწმუნებულია, რომ სამხრეთ კავკასიაში უმოკლეს ვადებში დამყარდება სტაბილურობა, თუ ერევანი სწორად შეაფასებს ბაქოსა და ანკარას გზავნილებს.

„თუ სომხეთი, სწორად შეაფასებს პროცესებს, უპასუხებს აზერბაიჯანისა და თურქეთის გულწრფელ მოწოდებებს, დარწმუნებული ვარ, სტაბილურობა ჩვენს რეგიონში რაც შეიძლება მალე დამყარდება“, - განაცხადა თურქეთის ლიდერმა ანკარაში ელჩების მე-13 კონფერენციაზე.

მანვე ისაუბრა თურქეთ-სომხეთის ურთიერთობების ნორმალიზაციის პროცესის ფარგლებში ღონისძიებების გაგრძელების თაობაზე.

მანამდე, სოჭში რუსეთის პრეზიდენტ, ვლადიმერ პუტინთან გამართული შეხვედრის შემდეგ, თურქეთის ლიდერმა მნიშვნელოვანი უწოდა იმას, რომ სომხეთმა 2020 წლის 10 ნოემბრის სამმხრივი განცხადებიდან გამომდინარე ვალდებულებები სწრაფად შეასრულა.

ერდოღანმა დაგმო სომხური ფორმირებების თავდასხმა, რომლის შედეგადაც აზერბაიჯანელი ჯარისკაცი დაიღუპა და განმარტა, რომ აზერბაიჯანს არ სურს მის ტერიტორიაზე უკანონო შეიარაღებული ფორმირებების არსებობა.

„ყარაბაღი აზერბაიჯანული მიწაა. რა თქმა უნდა, აზერბაიჯანი ეწინააღმდეგება მის მიწაზე უკანონო შეიარაღებული ჯგუფების არსებობას. სამმხრივი განცხადების მიღებიდან, თითქმის, ორი წელი გავიდა. ძალიან მნიშვნელოვანია, რომ სომხეთმა დაუყოვნებლივ შეასრულოს ეს პირობები", - განაცხადა ერდოღანმა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე