USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა

პეის ჯგუფში შემავალმა ერთ-ერთმა ყველაზე მსხვილმა კომპანია “ტრანსფორდმა” USAID-ის პროგრამის - “დამსაქმებლები პროფესიული განათლებისთვის’’ ფარგლებში 43 ადამიანი გადაამზადა და მათგან 32 უკვე “ტრანსფორდში” დასაქმდა, ხოლო 11 სხვადასხვა კომპანიაში.

გადამზადების ექვსკვირიანი კურსის წარმატებით გავლის შემდეგ, 43 მძღოლ-ოპერატორსა და დოკერს სერტიფიკატები დღეს საზეიმოდ გადაეცათ.

ღონისძიებაში მონაწილეობა მიიღეს USAID/საქართველოს ეკონომიკური განვითარების ოფისის დირექტორმა მარიკა ოლსონმა, “ტრანსფორდის” დირექტორმა ვასილ მაზიაშვილმა, ქალაქ ფოთის მერმა ბექა ვაჭარაძემ და საქართველოს საზღვაო ტრანსპორტის სააგენტოს დირექტორმა თამარ იოსელიანმა.

როგორც ცნობილია, USAID-ის პროგრამის - “დამსაქმებლები პროფესიული განათლებისთვის” დაფინანსებით, “ტრანსფორდმა” ბათუმის საზღვაო აკადემიასთან და ფოთის საზღვაო სასწავლო-საწვრთნელ ცენტრთან ერთად განახორციელა ორი მოკლევადიანი სასწავლო კურსის პილოტირება, რომელიც ხელს შეუწყობს საზღვაო სატვირთო მომსახურებას.

აღსანიშნია, რომ ინოვაციური მოდელის მხარდასაჭერად, მსურველების სასწავლო კურსი “ტრანსფორდმა” დააფინანსა.

“პროგრამა შედგა და ამის ნათელი და კონკრეტული მაგალითია ის 43 ადამიანი, რომელთაგანაც 32 უკვე “ტრანსფორდის” გუნდის ნაწილია. დარწმუნებული ვარ, ჩვენი და USAID-ის თანამშრომლობის ფარგლებში შექმნილი საჯარო-კერძო პარტნიორობის მოდელი მომავალშიც ხელს შეუწყობს ტრანსპორტის და ლოგისტიკის სფეროში კვალიფიციური კადრების მომზადებას და დასაქმებას. არაერთხელ მითქვამს, რომ ადამიანური კაპიტალის დეფიციტია თითქმის ყველა სფეროში, განსაკუთრებით პოსტპანდემიურ პერიოდში, ამიტომ ყველა მხარემ მაქსიმუმი უნდა გავაკეთოთ ამ გამოწვევის დასაძლევად”, - აცხადებს “ტრანსფორდის” დირექტორი ვასილ მაზიაშვილი.

მისივე თქმით, “ტრანსფორდი” და USAID-ი განაგრძობენ მუშაობას სხვა დამატებითი კურსების შექმნაზე, რომლებიც მორგებული იქნება ბიზნესისა და ბაზრის საჭიროებებზე.

ცნობისთვის: საჯარო-კერძო პარტნიორობის მოდელის შექმნაში მნიშვნელოვან როლს თამაშობს კომპანია “ტრანსფორდის’’ პარტნიორობა პროფესიულ საგანმანათლებლო დაწესებულებასთან და დარგობრივ ასოციაციებთან, როგორებიცაა: ,,საქართველოს ექსპედიტორთა ასოციაცია’’ და ,,ქალთა საერთაშორისო სავაჭრო და საზღვაო ასოციაცია’’. სწორედ, მიმდინარე მოდელის ეფექტურობიდან გამომდინარე, კომპანია ტრანსფორდის ინიციატივით 11 აგვისტოს შეიქმნა დამატებით ახალი პარტნიორთა ჯგუფი, რომელიც აერთიანებს სსიპ კოლეჯ ფაზისს, ბიზნეს ფედერაციას „ქალები მომავლისთვის“, საქართველოს ექსპედიტორთა ასოციაციასა და „ტრანსფორდს“. პარტნიორობის ფარგლებში გაფორმდა ურთიერთთანამშრომლობის მემორანდუმი.

USAID-ის ხუთწლიანი პროგრამა - დამსაქმებლები პროფესიული განათლებისთვის ($24 მილიონი აშშ დოლარი) მიზნად ისახავს დამსაქმებლების და საგანმანათლებლო დაწესებულებების თანამშრომლობის სტიმულირებას, კერძო სექტორთან თანამშრომლობით საგანმანათლებლო პროგრამების შემუშავებას ეკონომიკის ზრდადი სექტორებისთვის, ხარისხის საერთაშორისო სტანდარტების დამკვიდრების ხელშეწყობასა და დასაქმების შესაძლებლობების გაუმჯობესებას

სამუშაოს მაძიებლებისთვის. ზემოაღნიშნული მოემსახურება ეკონომიკის პრიორიტეტული სექტორების კრიტიკული საჭიროებების დაკმაყოფილებას უნარების განვითარების პროგრამებში თანაინვესტირებისა და თანამონაწილეობის გზით. USAID-ის დამსაქმებლები პროფესიული განათლებისთვის პროგრამით გათვალისწინებული საქმიანობების შედეგად, 4,800 პირი ჩაერთვება მომზადება-გადამზადების პროგრამებში; სულ მცირე, 3,840 პირი დასაქმდება ან გაიუმჯობესებს სამუშაო პირობებს.

(R)

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს