აშშ ნატო-ს აღმოსავლეთ ფლანგზე საჰაერო-სადესანტო დივიზიას -„მყვირალა არწივები“ აგზავნის - რუმინეთში, ბულგარეთში, უნგრეთსა და სლოვაკეთში 2400 ჯარისკაცი განთავსდება
ამერიკის შეერთებულმა შტატებმა ნატოს აღმოსავლეთ საზღვრების გაძლიერება გადაწყვიტა. ამ რეგიონებში საჰაერო სადესანტო დივიზია გაიგზავნება, რომელიც ცნობილია როგორც "მყვირალა არწივები".
ამის შესახებ ინფორმაციას ნატოში ამერიკის შეერთებული შტატების მისია „ტვიტერის“ გვერდზე ავრცელებს.
რუმინეთში, ბულგარეთში, უნგრეთსა და სლოვაკეთში გაიგზავნება 101-ე საჰაერო- სადესანტო დივიზიის 2400 ჯარისკაცი.
„80 წლის შემდეგ ევროპაში ბრუნდება საჰაერო-სადესანტო დივიზია, რომელიც ცნობილია, როგორც „მყვირალა არწივები“. ეს ხდება ნატოს აღმოსავლეთ ფლანგის დასაცავად, ჩვენი მოკავშირეების დასამშვიდებლად და ჩვენი მოწინააღმდეგეების შესაკავებლად“,- ნათქვამია მისიის განცხადებაში.
