ვლადიმერ პუტინი - დასავლეთს სჭირდება კონფლიქტები, რათა ძალაუფლება შეინარჩუნოს, ამიტომ აშშ და მისი მოკავშირეები ერევიან სხვა ქვეყნების საქმეებში, აწყობენ პროვოკაციას და სამოქალაქო ომებს

დასავლეთის ქვეყნები სასოწარკვეთილად მიჯაჭვულნი არიან გაქრობაში მყოფ საკუთარ ჰეგემონიაზე, მაგრამ ერთპოლუსიანი მსოფლიო წესრიგი წარსულს ბარდება, - ამის შესახებ რუსეთის პრეზიდენტმა ვლადიმერ პუტინმა დღეს მოსკოვის საერთაშორისო უსაფრთხოების მე-10 კონფერენციაზე, სიტყვით გამოსვლისას განაცხადა.

კრემლის ლიდერის თქმით, დასავლეთს სჭირდება კონფლიქტები, რათა ძალაუფლება შეინარჩუნოს, ამიტომ აშშ და მისი მოკავშირეები აქტიურად ერევიან სხვა ქვეყნების საქმეებში, აწყობენ ყველანაირ პროვოკაციას და სამოქალაქო ომებს.

რუსეთის პრეზიდენტმა დასძინა, რომ დასავლეთის ჰეგემონია მთელი მსოფლიოსთვის სტაგნაციას ნიშნავს. თუმცა, მისივე თქმით, შესაძლებელია დაძაბულობის შემცირება და საერთო საფრთხეების დაძლევა თანამედროვე მრავალპოლარული მსოფლიო სისტემის გაძლიერებით.

„რუსეთი გააგრძელებს ნაბიჯების გადადგმას უფრო დემოკრატიული სამყაროს მშენებლობისა და საერთაშორისო უსაფრთხოების არსებული მექანიზმების გაუმჯობესებისკენ“, - აღნიშნა პუტინმა.

როგორც რუსეთის პირველმა პირმა განაცხადა, მულტიპოლარული მსოფლიოს ჩამოყალიბების ობიექტურ პროცესებს „ეწინააღმდეგებიან დასავლური გლობალისტური ელიტები, რომლებიც ქაოსს თესენ ძველი და ახალი კონფლიქტების გაღვივებით და ეგრეთ წოდებული შეკავების პოლიტიკის განხორციელებით, რაც არსებითად ძირს უთხრის განვითარების ნებისმიერ ალტერნატიულ სუვერენულ გზას“.

ამასთან, პუტინმა აღნიშნა, რომ გლობალისტური ელიტები ცდილობენ ქვეყნები და ხალხები ნეოკოლონიალური წესრიგის ბატონობაში შეინარჩუნონ.

„მათი ჰეგემონია სტაგნაციას ნიშნავს მთელი მსოფლიოსთვის და მთელი ცივილიზაციისთვის და მოიცავს ფანატიზმს, გაუქმების კულტურასა და ნეოლიბერალურ ტოტალიტარიზმს“, - დასძინა პუტინმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს