პარლამენტის წინ პარტია "გირჩის" ლიდერი, ზურაბ ჯაფარიძე სამოქალაქო აქტივისტებთან, საზოგადოების წარმომადგენლებთან და პარტიის მხარდამჭერებთან საჯარო შეხვედრას მართავს.

როგორც ჯაფარიძემ შეხვედრის დაწყებამდე განაცხადა, ის აქტივისტები, რომლებთანაც ის შეხვედრას მართავს, პარლამენტის წინ 5 თვის განმავლობაში აპროტესტებენ "იმ რეალობას, რომელიც არის ამ ქვეყანაში".

"სამოქალაქო აქტივისტებმა მთხოვეს შეხვედრა და მათ სავარაუდოდ აინტერესებთ ჩემი სამომავლო გეგმები. მნიშვნელოვანია გაერთიანება იმის გარშემო, რომ ერთნაირად უნდა ვხედავდეთ ქვეყანაში შექმნილ ვითარებას, გააზრებული უნდა გვქონდეს, რომ უზურპატორები გვასხედან თავზე და უნდა იყოს მზაობა, რომ ამ უზურპატორს დავუპირისპირდეთ", - განაცხადა ზურაბ ჯაფარიძემ.