რუსეთის თავდაცვის სამინისტრომ განაცხადა, რომ მათ ოდესაში საბრძოლო მასალის საცავი გაანადგურეს, რომელშიც ამერიკული HIMARS-ის სარაკეტო სისტემებისა და სხვა დასავლური წარმოების საზენიტო სისტემებისთვის რაკეტები ინახებოდა.

გარდა ამისა, შოიგუს უწყებამ განაცხადა, რომ ხერსონის რეგიონში, საბრძოლო პოზიციებზე გაანადგურეს ორი M777-ის ტიპის ჰაუბიცები.

რუსეთის თავდაცვის სამინისტროს მტკიცებით, მათ საწვავის საცავიც გაანადგურეს ზაპოროჟიეს რეგიონში, სადაც უწყების თქმით, 100 ტონაზე მეტი დიზელის საწვავი ინახებოდა.