აშშ მოსკოვს ალექსეი ნავალნის დაუყოვნებლივ გათავისუფლებისკენ მოუწოდებს

რუსი ოპოზიციონერის, ალექსეი ნავალნის მკვლელობის მცდელობიდან ორი წლისთავზე, შეერთებული შტატები მოსკოვს მისი გათავისუფლებისკენ მოუწოდებს.

„ჩვენ კიდევ ერთხელ ვგმობთ რუსეთის მიერ ქიმიური იარაღის გამოყენებას პოლიტიკური ოპონენტის მოსაწამლად და მოვუწოდებთ კრემლს სრულად გამოაცხადოს და გააუქმოს მისი ქიმიური იარაღის პროგრამა. ჩვენ ასევე ვუერთდებით ნავალნის ოჯახს, კოლეგებსა და მხარდამჭერებს მთელს მსოფლიოში, რომ მოვუწოდებთ მისი დაუყოვნებლივი გათავისუფლებისკენ“, - განაცხადა სახელმწიფო დეპარტამენტის პრესსპიკერმა ნედ პრაისმა.

კრემლის კრიტიკოსის მოწამვლიდან ორი წლისთავს გამოეხმაურა გერმანიის კანცლერი, ოლაფ შოლციც.

„ის ძლივს გადაურჩა მკვლელობის მცდელობას. მან შეძლო გერმანიაში გამოჯანმრთელება“, - განაცხადა გერმანიის კანცლერმა ოლაფ შოლცმა გამოქვეყნებულ ვიდეომიმართვაში, სადაც მან სამშობლოში დაბრუნებისთვის რუსი დისიდენტის მამაცობა შეაქო.

ცნობისთვის, პუტინის მწვავე კრიტიკოსი ალექსეი ნავალნი რუსი აგენტების მიერ მოწამვლას 2020 წლის აგვისტოში გადაურჩა. გამოჯანმრთელების შემდეგ ის, რუსეთში 2021 წლის დასაწყისში დააკავეს და პატიმრობა მიუსაჯეს, რომელსაც არაერთი ქვეყანა პოლიტიკურად მოტივირებულად მიიჩნევს. ოფიციალური მოსკოვი უარყოფს ნავალნის მკვლელობის მცდელობაში მონაწილეობას.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!