ჩრდილოატლანტიკური ალიანსის პოლიტიკა უკიდურესად სარისკოა და შეიძლება გამოიწვიოს ბირთვული იარაღის მქონე ქვეყნების შეტაკება, - რუსული მედიის ინფორმაციით, ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა.
„ნატო-ს ქვეყნების დესტრუქციული კურსი, უგულებელყონ ჩვენი წითელი ხაზები და უკრაინაში რუსეთთან დაპირისპირებაში ჩაერთონ, უკიდურესად სარისკოა. ცხადია, ამას შეიძლება მოჰყვეს ესკალაცია და ბირთვული სახელმწიფოების სამხედრო შეტაკებამდე მივიდეს, რასაც საშინელი შედეგები ექნება“, - აღნიშნა რიაბკოვმა.
მისი თქმით, ასეთი სცენარი თავიდან უნდა იქნას აცილებული და ბირთვული იარაღის მქონე ქვეყნებმა ერთმანეთთან ომის დაუშვებლობის პოსტულატი უნდა დაიცვან.