ესკორტის ოფიცრის საქმის პროკურორი - გამოძიება აქტიურ რეჟიმში მიმდინარეობს - თუ გამოიკვეთება სხვა პირების ბრალეულობა შესაბამის რეაგირებას მოვახდენთ

პროკურორ ალექსანდრე ჩხეიძის განცხადებით, ფსიქიატრიულ დაწესებულებაში მომხდარ ინციდენტთან დაკავშირებით, რა დროსაც პატიმარმა გურამ სვანიძემ ე.წ. კაბურიდან ესკორტის თანამშრომელს ცეცხლსასროლი იარაღი ამოაცალა და რამდენიმე გასროლა განახორციელა, გამოძიება მიმდინარეობს და იმ შემთხვევაში თუ სხვა პირების ბრალეულობა გამოვლინდა უწყება შესაბამის რეაგირებას მოახდენს.

„დღევანდელ პროცესზე ვიმსჯელეთ აღკვეთის ღონისძიების შეფარდებაზე. ბრალდების მხარეს მიაჩნდა, რომ პატიმრობა იყო ერთადერთი საშუალება მიღწეული ყოფილიყო სისხლის სამართლის კოდექსის შესაბამისი მიზნები. არსებობდა მიმავლის საფრთხე და ახალი დანაშაული ჩადენის საფრთხეც და მოწმეებზე ზემოქმედების რეალური საფრთხე.

ბრალდებული არის პენიტენციური სამსახურის თანამშრომელი და საქმეზე მოწმეთა უმრავლესობას წარმოადგენენ, სწორედ მისი კოლეგები. აქედან გამომდინარე სასამართლომაც სრულად გაიზიარა ბრალდების მხარის შუამდგომლობა და ბრალდებულს პატიმრობა შეუფარდა.

საქმეზე გამოძიება აქტიურ რეჟიმში მიმდინარეობს, ტარდება საგამოძიებო მოქმედება, ასევე დანიშნულია ექსპერტიზა და იმ შემთხვევაში თუ გამოიკვეთება სხვა პირების ბრალეულობა შესაბამის რეაგირებას მოვახდენთ“, - განაცხადა პროკურორმა.

ხოლო, ბრალდებულის ადვოკატმა, ლევან ზაქრაძემ განაცხადა, რომ სასამართლოს გადაწყვეტილებას კატეგორიულად არ ეთანხმებიან და გასაჩივრებას აპირებენ.

მისივე თქმით, გოზალიშვილი იარაღის გარეშე სამორიგეო ოთახში ვერ მოხვდებოდა, და პატიმარი რომ დაენახა, შესაბამის ზომებს მიიღებდა.

„სასამართლოს გადაწყვეტილებას კატეგორიულად არ ვეთანხმებით, ჩემი დაცვის ქვეშ მყოფი თანამშრომლობს გამოძიებასთან, მიცემული აქვს სრულყოფილი ჩვენება -განმარტება, რომ მას არ შეეძლო იარაღით გაევლო არასწორია, სხვაგვარად სამორიგეოში ვერ მოხვდებოდა, ის პირი რომ დაენახა შესაბამის ზომებს მიიღებდა და ეს შემთხვევა არც დადგებოდა. აღნიშნულ გადაწყვეტილებას გავასაჩივრებთ“,- განაცხადა ადვოკატმა.

ცნობისთვის, სამსახურებრივი მოვალეობის არაჯეროვნად შესრულებაში ბრალდებულ ესკორტის ოფიცერ ვალერი გოზალიშვილს აღკვეთის ღონისძიების სახით პატიმრობა შეეფარდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს