ლევან იოსელიანი - პრემიერი პარლამენტში ხშირად უნდა მოდიოდეს - „მინისტრის საათი" არაეფექტიანი ფორმატია, რადგან მინისტრებს საშუალება აქვთ, რომ კითხვებს გაექცნენ, ეს ფორმატი ინტერაქციული უნდა იყოს

პარლამენტის ვიცე-სპიკერის ლევან იოსელიანის განცხადებით, “მინისტრის საათი" არაეფექტიანი ფორმატია, ამიტომ მნიშვნელოვანია, რომ ის ინტერაქციული იყოს და დეპუტატს მინისტრისთვის კითხვების დასმა და მაშინვე პასუხის მიღება შეეძლოს. ამის შესახებ იოსელიანმა საპარლამენტო კონტროლის საკითხზე სამუშაო ჯგუფთან დაკავშირებით ჟურნალისტებს განუცხადა. მისივე თქმით, ასევე უნდა გაიზარდოს როგორც ინტერპელაციის რაოდენობა, ასევე მისი მოქნილობა, რათა პარლამენტმა აღმასრულებელი ხელისუფლების ეფექტიანი კონტროლის ფუნქცია შეიძინოს.

„საპარლამენტო ზედამხედველობის გაძლიერებაზე მუშაობა ერთ-ერთი მნიშვნელოვანი საკითხია. ჩემი პრეტენზია, პირველ რიგში, ისაა, რომ პარლამენტში პრემიერ-მინისტრი ხშირად უნდა მოდიოდეს და დეპუტატებს ინფორმაციას აწვდიდეს. „მინისტრის საათი" ძალიან არაეფექტიანი ფორმატია, რადგან მინისტრებს იმის საშუალება აქვთ, რომ კითხვებს გაექცნენ, არ უპასუხონ და კითხვები გამოტოვონ. ეს ფორმატი ინტერაქციული უნდა იყოს და დეპუტატს მინისტრისთვის კითხვების დასმა, მაშინვე პასუხის მიღება უნდა შეეძლოს. ასევე, უნდა გაიზარდოს როგორც ინტერპელაციის რაოდენობა, ასევე მისი მოქნილობა იმისთვის, რომ პარლამენტმა რეალურად ის ფუნქცია შეიძინოს, რაც ყველა ქვეყანაში აქვს - აღმასრულებელი ხელისუფლების ეფექტიანი კონტროლი.

მნიშვნელოვანია, პარლამენტში ის მინისტრი მოდიოდეს, ვისი მოსვლაც აქტუალურია კონკრეტული დღის წესრიგიდან გამომდინარე. როდესაც რეგიონში ომია, მნიშვნელოვანია, პარლამენტში ძალოვანი და საგარეო მინისტრები მოვიდნენ. ამის მოქნილობა რეგლამენტით უნდა იყოს”,- განაცხადა ლევან იოსელიანმა.

პარლამენტში საპარლამენტო კონტროლის საკითხებზე საპროცედურო საკითხთა და წესების კომიტეტის სამუშაო ჯგუფის შეხვედრა მიმდინარეობს.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ