სპეციალურმა საგამოძიებო სამსახურმა ტელეკომპანია „ფორმულას" თანამშრომლებისთვის, ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის მეორე ნაწილით გამოძიება დაიწყო.

უწყების განცხადებით, დანაშაულში მხილებული პირის დადგენისა და დაკავების მიზნით, სპეციალური საგამოძიებო სამსახური ყველა საჭირო საგამოძიებო და საპროცესო მოქმედებას ჩაატარებს.

ცნობისთვის, დღეს „ფორმულას“ გადამღებ ჯგუფს პირდაპირი ჩართვის დროს თავს დაესხნენ. უცნობმა პირმა ჟურნალისტ რატი წვერავას მიკროფონი წაართვა და ემუქრებოდა.