კოსოვო ევროკავშირში გაწევრიანებისთვის განაცხადს 2022 წლის ბოლომდე გააკეთებს. აღნიშნულის შესახებ კოსოვოს პრემიერ-მინისტრმა ალბინ კურტმა განაცხადა.

მთავრობამ კოსოვოს ევროგაერთიანებაში წევრობისთვის ინტერ-ინსტიტუციონალური სამუშაო ჯგუფის შექმნის შესახებ გადაწყვეტილება მიიღო.

მედიის ცნობით, კოსოვოს სურს ევროკავშირის სრულ წევრობას მიაღწიოს და ასევე, უვიზო რეჟიმი მოიპოვოს ევროზონაში მიმოსვლისთვის.

ცნობისთვის კოსოვო, რომელიც ძირითადად ალბანელებითაა დასახლებული, სერბეთს 1999 წელს გამოეყო, 2008 წელს კი დამოუკიდებლობა გამოაცხადა. სერბეთმა კოსოვოს დამოუკიდებლობა არ აღიარა და მას საკუთარ ტერიტორიად მიიჩნევს.