ირანმა საბრძოლო და სადაზვერვო უპილოტო თვითმფრინავები გამოსცადა. ინფორმაციას ქვეყნის სახელმწიფო მედია ავრცელებს.

როგორც დასავლური მედია იუწყება, ამერიკის შეერთებული შტატები შეშფოთებულია უკრაინის ომში გამოსაყენებლად რუსეთისთვის ირანული წარმოების უპილოტო თვითმფრინავების შესაძლო მიწოდებით.

ორდღიან სამხედრო წვრთნებში 150 დრონი იქნება ჩართული. შემოწმდება ირანის საჰაერო თავდაცვისა და ელექტრონული ომის შესაძლებლობები.

ცნობისთვის, შეერთებულმა შტატებმა მიმდინარე თვის დასაწყისში განაცხადა, რომ რუსი ოფიციალური პირები ირანში, ორ ქვეყანას შორის დრონების გადაცემის შესახებ შეთანხმების ფარგლებში, წვრთნებს გადიან.

ამასთან, ოფიციალურმა ვაშინგტონმა თეირანი დაადანაშაულა იმაში, რომ ის უკრაინაში გამოსაყენებლად მოსკოვისთვის ასობით უპილოტო თვითმფრინავის მიწოდებას გეგმავს.