ბრიტანეთის თავდაცვის უწყება - სერგეი შოიგუს განცხადება, რომ რუსეთი მიზანმიმართულად ანელებს სამხედრო ოპერაციის ტემპს უკრაინაში, მიზანმიმართული დეზინფორმაციაა
რუსეთის განცხადება, რომ იგი მიზანმიმართულად ანელებს უკრაინაში სამხედრო ოპერაციის ტემპს, მიზანმიმართული დეზინფორმაციაა, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.
„რუსეთის შეტევა ფერხდება რუსეთის ცუდი სამხედრო შესრულებისა და უკრაინის სასტიკი წინააღმდეგობის გამო. დიდი ალბათობით, შოიგუმ და პრეზიდენტმა პუტინმა გაათავისუფლეს მინიმუმ ექვსი გენერალი არასაკმარისად სწრაფი წინსვლის გამო“, - აღნიშნულია ინფორმაციაში.
2022 წლის 24 აგვისტოს რუსეთის თავდაცვის მინისტრმა, სერგეი შოიგუმ განაცხადა, რომ რუსეთი მიზანმიმართულად ანელებს უკრაინაში სამხედრო ოპერაციის ტემპს, რაც გამოწვეულია მშვიდობიან მოსახლეობაში მსხვერპლის შემცირების აუცილებლობით.
