მიხაილო პოდოლიაკი - რუსეთს მხოლოდ მეზობლების განადგურება და „სსრკ 2“-ის აღდგენა აინტერესებს

საუბარი ნატო-ს გაფართოებასა და რუსეთის პროვოცირებაზე - მხოლოდ სისასტიკის, ომის დანაშაულებისა და ომის დამნაშავეების ცინიკური გამართლებაა, - ამის შესახებ უკრაინის პრეზიდენტის ადმინისტრციის ხელმძღვანელის მრჩეველი, მიხაილო პოდოლიაკი „ტვიტერში“ წერს.

მისი თქმით, რუსეთს მხოლოდ მეზობლების განადგურება და „სსრკ 2“-ის აღდგენა აინტერესებს.

„ნატო ან ყალბი ინფორმაცია „ბიოლაბორატორიების“ შესახებ - ეს პროპაგანდის ელემენტებია. რუსეთი მხოლოდ მეზობლების განადგურებითა და „სსრკ 2.0“-ის აღდგენითაა დაინტერესებული“, - წერს პოდოლიაკი.