საფრანგეთის პრეზიდენტი ემანუელ მაკრონი გაერთიანებული სამეფოს პრემიერ-მინისტრობის კანდიდატის, ლიზ ტრასის კრიტიკას ეხმაურება და აცხადებს, რომ გაერთიანებული სამეფოს ზოგიერთი ლიდერის მიუხედავად საფრანგეთი და ბრიტანეთი მეგობრული ქვეყნებია.

"თუ საფრანგეთი და ბრიტანეთი ვერ იტყვიან, ერთმანეთისთვის მეგობრები არიან თუ მტრები, მაშინ ჩვენ სერიოზული პრობლემები გვაქვს. გაერთიანებული სამეფოს ზოგიერთი ლიდერის მიუხედავად საფრანგეთი და ბრიტანეთი მეგობრული ქვეყნებია“, - აღნიშნა ემანუელ მაკრონმა.

ამ განცხადებით, მაკრონი ლიზ ტრასის განცხადებას გამოეხმაურა, რომელმაც საფრანგეთის პრეზიდენტი უკრაინაში მიმდინარე ომთან დაკავშირებით ორაზროვანი პოლიტიკის გამო გააკრიტიკა და მას ურჩია ბოლოს და ბოლოს ჩამოყალიბდეს, ვინ არის - მეგობარი თუ მტერი.