გია ვოლსკი - ვენეციის კომისიის რეკომენდაცია გადასახედია თავად კომისიის მიერ - რეკომენდაცია, რომელსაც რეკომენდაციასაც კი ვერ ვუწოდებთ, რაიმე არსებითს არ ითვალისწინებს

ვენეციის კომისიის რეკომენდაცია ცოტა უცნაური ფორმით არის გამოქვეყნებული „ტვიტერზე“ და დანართში მითითებული აქვს სასამართლოს აბსოლუტურად სხვა კანონი. ვფიქრობ, ვენეციის კომისიის ეს რეკომენდაცია გადასახედია თავად ვენეციის კომისიის მიერ, - ასე ეხმაურება პარლამენტის პირველი ვიცე-სპიკერი გია ვოლსკი ვენეციის კომისიის მიერ ე.წ. მოსმენების კანონთან დაკავშირებით „გადაუდებელ მოსაზრების" გამოქვეყნებას, რომლის თანახმადაც „კანონპროექტი ნაჩქარევად იქნა მიღებული და გადახედვას საჭიროებს“.

როგორც ვოლსკი აღნიშნავს, კანონპროექტი პარლამენტში ჯერ კიდევ მარტიდან განიხილება. ამასთან, მისივე თქმით, აღნიშნულ დოკუმენტთან დაკავშირებით სამართლებრივი შენიშვნები არ ყოფილა.

„ვენეციის კომისიის რეკომენდაცია ცოტა უცნაური ფორმით არის გამოქვეყნებული „ტვიტერზე“ და დანართში მითითებული აქვს სასამართლოს აბსოლუტურად სხვა კანონი, რომელზეც ჯერ კიდევ მიმდინარე წლის ივნისში გვქონდა საუბარი და რომელზეც პრინციპული შენიშვნები არ გვქონია. ერთი შენიშვნა გვქონდა, რომელიც თავისივე მოცემულ რეკომენდაციას ეწინააღმდეგებოდა. არ მინდა სიტყვა არაკომპეტენტურობა ვიხმარო. შეიძლება ტექნიკური შეცდომაა, მაგრამ ფაქტია, რომ „ტვიტერში“ კომენტარის მომზადების დროს მისმა ავტორმა არ გაითვალისწინა ის რეალობა, რომელიც არსებობს. როგორ შეიძლება, კანონზე, რომელიც თვეების განმავლობაში განიხილებოდა, თქვა, რომ დაჩქარებული წესითაა მიღებული?!

რაც შეეხება კანონს მოსმენებთან დაკავშირებით, რომელზეც ამბობენ ნაჩქარევად მიღებული კანონიაო, სამართლებრივად არანაირი შენიშვნა არ არის [მოცემული], თუმცა, ყველამ იცის, რომ ეს კანონი მარტიდან არის დამუშავებაში და 7 ივნისს იყო მესამე მოსმენით წარმოდგენილი. მას დაჩქარებულის არაფერი ეტყობა, მითუმეტეს, რომ სამართლებრივი შენიშვნები არც ჩვენს ოპონენტებს და არც საექსპერტო ჯგუფებს და არასამთავრობო ორგანიზაციებს, არც პრეზიდენტს, რომელმაც ამ კანონს ვეტო დაადო, არ ჰქონია. ვფიქრობ, ვენეციის კომისიის ეს რეკომენდაცია გადასახედია თავად ვენეციის კომისიის მიერ და საზოგადოებისთვის მეტი ინფორმაციაა მისაწოდებელი. ვფიქრობ, დავძლევთ ვეტოს და კანონი იქნება მიღებული, რომელიც ყველა სტანდარტს შეესაბამება. ვენეციის კომისიის რეკომენდაცია, რომელსაც რეკომენდაციასაც კი ვერ ვუწოდებთ, რაიმე არსებითს საერთოდ არ ითვალისწინებს“, - განაცხადა ვოლსკიმ და დასძინა: „სასწრაფოდ უნდა მივიღოთ ისეთი ზომები, რომელიც ჩვენ მცირე რესურსების მქონე ქვეყანას გადაარჩენს იმ ტურბულენტურ სიტუაციაში, რომელიც ჩვენს რეგიონში, ჩვენს გარშემო და მსოფლიოში შეიქმნა“.

ცნობისთვის, ვენეციის კომისიამ გუშინ ე.წ. მოსმენების კანონთან დაკავშირებით, რომელიც საქართველოს პარლამენტმა 2022 წლის 7 ივნისს მიიღო და პრეზიდენტმა ვეტო დაადო, თავისი გადაუდებელი მოსაზრება გამოაქვეყნა, სადაც აღნიშნა, რომ „კანონპროექტი ნაჩქარევად იქნა მიღებული და გადახედვას საჭიროებს“.

ინფორმაციისთვის, ფარული საგამოძიებო მოქმედებების ჩატარებასთან დაკავშირებული ვადები ხანგრძლივდება, ხოლო დანაშაულთა წრე, რაზეც ფარული საგამოძიებო მოქმედებების ჩატარება იქნება დასაშვები, იზრდება. ამასთან, იცვლება ფარული საგამოძიებო მოქმედების ჩატარების შესახებ ინფორმაციის შესაბამისი პირისთვის შეტყობინების წესი. “სისხლის სამართლის საპროცესო კოდექსში“ ცვლილებების პროექტს პარლამენტმა მესამე მოსმენით მხარი რამდენიმე კვირის წინ დაუჭირა. კანონის პროექტი 78 ხმით, 11-წინააღმდეგ მიიღეს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა