ტრაპიზონში რუსეთის საკონსულო - სარფის სასაზღვრო პუნქტზე საქართველოში შესვლის მსურველი რუსეთის მოქალაქეებისთვის უარის თქმის შემთხვევები გახშირდა

სარფის სასაზღვრო-გამშვები პუნქტზე საქართველოში შესვლის მსურველი რუსეთის მოქალაქეებისთვის უარის თქმის შემთხვევები გახშირდა, - ამის შესახებ ტრაპიზონში რუსეთის ფედერაციის გენერალური საკონსულოს განცხადებაშია აღნიშული.

განცხადებაში, რომლითაც საკონსულო თურქეთში მყოფ რუსეთის მოქალაქეებს მიმართავს, აღნიშნულია, რომ ქართველი მესაზღვრეების უარი, როგორც წესი, არაფრით არ არის დასაბუთებული და არ ხდება უარის მიზეზების განმარტება.

„რუსეთის მოქალაქეებს შორის, რომლებსაც საქართველოს ტერიტორიაზე არ უშვებენ, არიან ჩრდილოეთ კავკასიის ფედერალური ოლქის მცხოვრებლები, ყირიმის რესპუბლიკის მცხოვრებლები, დონეკცისა და ლუგანსკის სახალხო რესპუბლიკების მოქალაქეები, რომლებსაც რუსეთის მოქალაქეობა აქვთ. ასევე მათ შორის არიან რუსეთის ფედერაციის სხვა რეგიონებში მცხოვრები რუსეთის მოქალაქეები“, - აღნიშნულია განცხადებაში.

საკონსულოს მტკიცებით, მიმდინარე წლის აგვისტოში გენერალური საკონსულო თითქმის ყოველდღიურად აღრიცხავს საქართველოში შესვლაზე უარის თქმის შემთხვევებს.

„გთხოვთ, გაითვალისწინოთ საქართველოსა და თურქეთის გავლით მოგზაურობის დაგეგმვისას“, - აღნიშნულია განცხადებაში.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!