ირაკლი ნადარეიშვილი - საქართველოს ეკონომიკა და ტურისტული სექტორი  აღდგენის ერთ-ერთი სწრაფი ტემპით გამოირჩევა რეგიონში

საქართველოს ეკონომიკა და ტურისტული სექტორი გამოირჩევა აღდგენის ერთ-ერთი სწრაფი ტემპით რეგიონში, - ამის შესახებ ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა თბილისის ცენტრში 4-ვარსკვლავიანი სასტუმროს ოფიციალური გახსნისას განაცხადა.

როგორც ირაკლი ნადარეიშვილმა აღნიშნა, ეს სასტუმრო კიდევ ერთი კარგი მაგალითია იმისა, რომ საქართველოს ტურისტული ბაზარი სარგებლობს მზარდი ინტერესით როგორც ტურისტების, ასევე ინვესტორების მხრიდან.

მისი თქმით, 2022 წლის ივლისში ტურიზმიდან მიღებულმა შემოსავლებმა 2019 წლის მაჩვენებელს 20 პროცენტით გადააჭარბა, ხოლო იანვარი-ივლისის პერიოდში მოგზაურობიდან მიღებულმა შემოსავალმა 1,6 მლრდ დოლარს გადააჭარბა, რაც 2019 წლის მაჩვენებლის 87.4% - ს შეადგენს.

„ეს არის კიდევ ერთი დადასტურება, რომ საქართველოს ტურისტული ბაზარი, ჩვენი ქვეყნის ეკონომიკა მდგრადია გამოწვევების მიმართ და გამოირჩევა აღდგენის ერთ-ერთი სწრაფი ტემპით რეგიონში", - განაცხადა ირაკლი ნადარეიშვილმა.

ინვესტიციამ 3,5 მლნ აშშ დოლარი შეადგინა. სასტუმროში 40-ზე მეტი ადამიანია დასაქმებული. მინისტრის მოადგილემ დაათვალიერა სასტუმრო, რომლის რამდენიმე ნომერიც ადაპტირებულია შშმ პირების საჭიროებებთან.

სასტუმროს გახსნის ღონისძიებას ასევე დაესწრნენ ტურისტული კომპანიებისა და ასოციაციების წარმომადგენლები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი