ერაყში, მოქტადა ალ-სადრის მხარდამჭერებსა და უსაფრთხოების ძალებს შორის მომხდარი შეტაკების შედეგად 15 ადამიანი დაიღუპა

ერაყის დედაქალაქ ბაღდადის „მწვანე ზონაში“ მომხდარი შეტაკების შედეგად სულ მცირე 15 ადამიანი დაიღუპა და ასობით დაშავდა.

დაპირისპირება მოჰყვა შიიტი სასულიერო პირის, მოქტადა ალ-სადრის განცხადებას, რომ ის პოლიტიკას ტოვებს. ამ განცხადების შემდეგ სადრის მხარდამჭერები პრეზიდენტის სასახლეში შეიჭრნენ.

ერაყის უსაფრთხოების ძალებმა ალ-სადრის მხარდამჭერების დასაშლელად ცრემლსადენი გაზი გამოიყენეს.

მედიის ინფორმაციით, ქვეყნის მასშტაბით კომენდანტის საათია დაწესებული.

ალ-სადრის განცხადებას წინ უძღოდა მისი მხარდამჭერების რამდენიმეთვიანი პროტესტი, რომლებიც მხარს უჭერდნენ მის მოწოდებას ერაყის პარლამენტის დაშლისა და ახალი არჩევნების დანიშვნის შესახებ.

48 წლის მოქტადა ალ-სადრი ბოლო ოცი წლის მანძილზე ერაყის საზოგადოებრივ და პოლიტიკურ ცხოვრებაში დომინანტური ფიგურაა. მისი „მეჰდის არმია“ ერთ-ერთი ყველაზე ძლიერი შეიარაღებული ფორმირება იყო, რომელიც ებრძოდა აშშ-სა და მის მოკავშირე ერაყის სამთავრობო ძალებს. მოგვიანებით მან „მეჰდის არმიას“ სახელი გადაარქვა და „მშვიდობის ბრიგადები“ დაარქვა. მიუხედავად იმისა, რომ „მეჰდის არმიას“ კავშირები ჰქონდა ირანთან, სადრი ბოლო დროს ერაყის შიიტ მეზობელს გაემიჯნა და აცხადებს, რომ სურს წერტილი დაუსვას ერაყის საშინაო საქმეებზე აშშ-ისა და ირანის გავლენას.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა