ლევან იოსელიანი - „ოცნებამ" არ მგონია ომბუდსმენის კანდიდატი წარმოადგინოს - არავის წარმოდგენილ კანდიდატს უპირობოდ არ ვენდობი, ვინმეს მხარდაჭერას მარტივად არ ვაპირებ

„ქართულმა ოცნებამ" არ მგონია ომბუდსმენის კანდიდატი წარმოადგინოს, მის კანდიდატს მხარდაჭერა ვერ ექნება, მაგრამ არასამთავრობო სექტორის კანდიდატი, მათ შორის, ჩვენც უნდა მოგვწონდეს - არავის წარმოდგენილ კანდიდატს უპირობოდ არ ვენდობი,- ამის შესახებ "მოქალაქეების" დეპუტატმა ლევან იოსელიანმა სახალხო დამცველის არჩევის წესთან დაკავშირებით მმართველი გუნდისა და ოპოზიციის ნაწილის შეხვედრის დასრულების შემდეგ ჟურნალისტებთან განაცხადა.

მისი თქმით, პროცესი უნდა იყოს ინკლუზიური და უზრუნველყოს მესამე სექტორის, ასევე პოლიტიკური პარტიების ჩართულობა.

„თუ ევროკომისიის რეკომენდაციის შესრულება გვინდა, შეთანხმებას უნდა მივაღწიოთ. ჩემთვის მნიშვნელოვანია არასამთავრობო ორგანიზაციების აზრი, ისინი ვის დაუჭერენ მხარს, თუმცა ამავე დროს ვთვლი, რომ პოლიტიკურმა პარტიებმა შეიძლება თავის თავზე პასუხისმგებლობა აიღონ, რომ საკუთარი კანდიდატურები წარადგინონ. ჩემს პარტიას კანდიდატი არ ჰყავს და სახალხო დამცველის წარდგენის ინტერესი არ გვაქვს.

„ქართულმა ოცნებამ" არ მგონია წარმოადგინოს კანდიდატი, რადგან "ქართული ოცნების" კანდიდატს მხარდაჭერა ვერ ექნება. არასამთავრობო სექტორის კანდიდატი, მათ შორის, ჩვენც უნდა მოგვწონდეს და მხარს უნდა ვუჭერდეთ, რადგან ჩვენ ვიღებთ პასუხისმგებლობას ამ ადამიანის სამომავლო საქმიანობაზე. თუ მე უნდა მივაჭირო ღილაკს ხელი და ვიღაცას მხარი უნდა დავუჭირო, ეს ჩემი პასუხისმგებლობაა და არა მისი, ვინც წარმოადგინა. არავის წარმოდგენილ კანდიდატს უპირობოდ არ ვენდობი, მექნება ის პროცედურული განხილვა, საუბარი, მოსმენა, რასაც რეგლამენტი ითვალისწინებს და ასე მივიღებ გადაწყვეტილებას, ვინმეს მხარდაჭერას მარტივად არ ვაპირებ", - განაცხადა იოსელიანმა.

ის ასევე გამოეხმაურა "ლელოს", “სტრატეგია აღმაშენებლისა" და "ნაციონალური მოძრაობის" პოზიციას, რომლებიც მმართველ გუნდთან შეხვედრებს არ ესწრებიან და აღნიშნა, რომ ამით პროცესს აზიანებენ.

„როცა ისინი ამ პროცესში არ მონაწილეობენ, ამით იმ პროცესს აზიანებენ, რაც 12 რეკომენდაციის შესრულებას გულისხმობს. ისინი "ქართულ ოცნებას" არგუმენტს აძლევენ, რომ თუ ეს პროცესი წარუმატებლობით დასრულდება, ეს ყველაფერი ოპოზიციას დაბრალდება. ამას რატომ აკეთებენ, ეს ჩემთვის გაუგებარია. მინდა, სახალხო დამცველი ერთად ავირჩიოთ,"- განაცხადა იოსელიანმა.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო