დმიტრო კულება - რუსი ტურისტებისთვის სავიზო აკრძალვა იქნება შესაბამისი პასუხი ევროპის ცენტრში რუსეთის აგრესიულ ომზე, რომელსაც მხარს უჭერს მათი მოქალაქეების უმრავლესობა

უკრაინის საგარეო საქმეთა მინისტრი, დმიტრო კულება ევროკავშირის ქვეყნებს მოუწოდებს, რუს ტურისტებს ბლოკის ტერიტორიაზე შესვლა აუკრძალონ, რადგან რუსების უმრავლესობა მხარს უჭერს ქვეყნის "გენოციდურ აგრესიულ ომს" კიევის წინააღმდეგ.

„ნახევარი ზომების დრო წავიდა. მხოლოდ მკაცრ და თანმიმდევრულ პოლიტიკას შეუძლია შედეგის მოტანა“, - განუცხადა კულებამ Reuters-ს.

„რუსი ტურისტებისთვის და ზოგიერთი სხვა კატეგორიისთვის სავიზო აკრძალვა იქნება შესაბამისი პასუხი ევროპის ცენტრში რუსეთის გენოციდურ აგრესიულ ომზე, რომელსაც მხარს უჭერს რუსეთის მოქალაქეების დიდი უმრავლესობა“, - აღნიშნა კულებამ.

ის ევროკავშირს სთავაზობს სპეციალური პროგრამის დაწყებას რუსი ჯარისკაცებისთვის, რომლებსაც აღარ სურთ უკრაინაში ბრძოლა.

„გადაირჩინეთ თავი და წადით. დაყარეთ იარაღი, დანებდით უკრაინულ ძალებს და მიიღეთ ახალი ცხოვრების დაწყების შესაძლებლობა. დარწმუნებული ვარ, რომ ეს შეთავაზება ღირს, რადგან თუკი თუნდაც ერთმა რუსმა ჯარისკაცმა დაყაროს იარაღი და წასვლა გადაწყვიტოს, ეს ნიშნავს უკრაინელების გადარჩენილ სიცოცხლეს და მშვიდობასთან მიახლოებას“, - განაცხადა კულებამ.

შეგახსენებთ, ევროკავშირის საგარეო საქმეთა მინისტრები პრაღაში ორდღიან შეხვედრას მართავენ. Reuters-ი წერს, რომ მოსალოდნელია, რომ მინისტრები შეთანხმდებიან მოსკოვთან სავიზო რეჟიმის გამარტივების შესახებ შეთანხმების შეჩერებაზე, რაც იმას ნიშნავს, რომ რუსებს მოუწევთ უფრო მეტი ლოდინი და მეტი თანხის გადახდა ვიზებისთვის, თუმცა, ბლოკი, სავარაუდოდ, გაყოფილი დარჩება რუსეთის მოქალაქეებისთვის ევროკავშირის ტერიტორიაზე შესვლის სრულად აკრძალვის საკითხთან დაკავშირებით.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო