ატომური ენერგიის საერთაშორისო სააგენტოს ინსპექტორები ზაპოროჟიეს ატომური ელექტროსადგურის ტერიტორიაზე ხვალ დილით მივლენ, - ინფორმაციას CNN-ი ავრცელებს.

მისია კიევში გუშინ ჩავიდა, კიევიდან ელექტროსადგურისაკენ კი დღეს გაემგზავრა.

„როგორც იცით, ძალიან, ძალიან მნიშვნელოვანი ამოცანა გვაქვს შესასრულებელი: უნდა შევაფასოთ იქ არსებული რეალური სიტუაცია, რათა ხელი შევუწყოთ მდგომარეობის დასტაბილურებას. ეს ოპერაციები ძალიან რთულია, ჩვენ მივდივართ საომარ ზონაში, ოკუპირებულ ტერიტორიაზე“, - აღნიშნა ატომური ენერგიის საერთაშორისო სააგენტოს დირექტორმა რაფაელ გროსმა.