გია ვოლსკი - არსებობს ერთადერთი ალტერნატიული დერეფანი და ეს არის ევროპის ბაზრებისთვის ენერგორესურსების საქართველოს გავლით მიწოდება

საქართველოსთვის სტაბილურობა საგანგებოდ მნიშვნელოვანია - არანაირი მეორე ფრონტი არც ევროპას და არც საერთაშორისო თანამეგობრობას არ სჭირდება, - ეს განცხადება დღეს პარლამენტის ვიცე-სპიკერმა გია ვოლსკიმ გააკეთა. ამ კონტექსტში ვოლსკიმ ხაზგასმით აღნიშნა, რომ ევროპის ბაზრებისათვის რუსეთის ალტერნატიული ენერგორესურსების მიწოდების დერეფანი საქართველოზე გადის და საქართველოს სტაბილურობა მათ შორის ამ მიზნის მისაღწევად სჭირდება.

"დღეს-დღეობით ეს არის ყველაზე უფრო მნიშვნელოვანი საკითხი, ვინაიდან ევროპის ბაზრები ალტერნატიული მომარაგების დერეფნებს ეძებენ. ამის მრავლობით რიცხვში თქმაც არ შეიძლება - არსებობს ერთადერთი ალტერნატიული დერეფანი და ეს არის ევროპის ბაზრებისთვის ენერგორესურსების საქართველოს გავლით მიწოდება. საქართველოს მონაწილეობით ძალიან ბევრი რამ გაკეთდა. პროექტი რომელიც დღეს მუშაობს და რომელშიც ჩართულია თურქეთი, საბერძნეთი, ალბანეთი, იტალია და ამ განშტოებებით ენერგორესურსები ევროპულ ბაზრებზე მიედინება, საგანგებო მნიშვნელობისაა განსაკუთრებით ამ რთულ პერიოდში. არის კიდევ ერთი თემა - ესაა სტაბილურობის შენარჩუნების აუცილებლობა საგანგებოდ ამ პროექტის უზრუნველსაყოფად და ამ პროექტის უფრო გაფართოების მიზნით. სწორედ ახლა მიმდინარეობს მოლაპარაკებები როგორ ჩატვირთონ მეტი იმ ინფრასტრუქტურაში, რომელიც გაგვაჩნია", - განაცხადა გია ვოლსკიმ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას