საფრანგეთის პრემიერი - საფრანგეთში ოჯახებს ზამთარში ელექტროენერგია, შესაძლოა, ორი საათით გაეთიშოთ

უკრაინაში რუსეთის ომით გამოწვეულმა ენერგეტიკულმა კრიზისმა შესაძლოა, ყველაზე უარეს შემთხვევაში, გამოიწვიოს ის, რომ საფრანგეთში ოჯახებს ზამთარში ელექტროენერგია მოძრავი გრაფიკით, ორი საათით გაეთიშოთ, - ამის შესახებ საფრანგეთის პრემიერ-მინისტრმა, ელიზაბეტ ბორნმა განაცხადა.

მისი განმარტებით, ეს საკითხი ნაწილობრივ გამოწვეულია ომის შედეგებით, მაგრამ ასევე საფრანგეთის ატომური რეაქტორების დაახლოებით ნახევრის ტექნიკური სამუშაოების ჩატარების მიზნით დაგეგმილი გათიშვის გამო.

„ეს ნიშნავს, რომ ჩვენ ნაკლებ ელექტროენერგიას ვაწარმოებთ და შეიძლება იყოს მომენტები, რომ ელექტროენერგიის მიწოდების პრობლემა შეგვექმნას. ასეთ შემთხვევაში გავთიშავთ ელექტროენერგიას ადგილ-ადგილ არა უმეტეს ორი საათის განმავლობაში”, - აღნიშნა მან.

შეგახსენებთ, გუშინ, რუსეთის სახელმწიფო ენერგოკომპანიამ „გაზპრომმა“ განაცხადა, რომ ფინანსური დავის გამო ფრანგულ კომპანია Engie-ს გაზის მიწოდებას შეუჩერებს. Engie-ში კი განმარტავენ, რომ მათ უკვე უზრუნველყვეს საკმარისი გაზის მარაგი მომხმარებლების წინაშე ნაკისრი ვალდებულებების შესასრულებლად.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“