ბრიუსელში შარლ მიშელს, ილჰამ ალიევსა და ნიკოლ ფაშინიანს შორის შეხვედრა გაიმართა

ბრიუსელში ევროპული საბჭოს პრეზიდენტს, სომხეთის პრემიერ-მინისტრსა და აზერბაიჯანის პრეზიდენტს შორის დახურულ კარს მიღმა შეხვედრა გაიმართა, რომელიც დაახლოებით ოთხი საათი გაგრძელდა. ევროპის პოლიტიკურ დედაქალაქში ნიკოლ ფაშინიანი და ილჰამ ალიევი ერთმანეთს შარლ მიშელის შუამავლობით შეხვდნენ.

ლიდერებმა პატიმრების გათავისუფლების, უგზო-უკვლოდ დაკარგულ პირთა, საზღვრის დელიმიტაციისა და უსაფრთხოების, რეგიონის დებლოკირების საკითხები განიხილეს, ისევე როგორც, სომხეთ-აზერბაიჯანის ურთიერთობების ნორმალიზებასთან და მთიან ყარაბაღთან დაკავშირებული საკითხები.

სომხური მედიის ცნობით, მიღწეული იქნა შეთანხმება საგარეო საქმეთა მინისტრების დონეზე, სამშვიდობო ხელშეკრულების შემუშავებასთან დაკავშირებით, არსებითი მოლაპარაკებების გაგრძელების შესახებ. სომხეთისა და აზერბაიჯანის საგარეო საქმეთა მინისტრების შეხვედრა ერთ თვეში გაიმართება. აზერბაიჯანისა და სომხეთის ლიდერების შემდეგი შეხვედრა კი ნოემბერში გაიმართება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს