გიორგი ვაშაძე - უკვე არსებობს დეოლიგარქიზაციის შესახებ კანონპროექტის დამუშავებული ვერსია, რომელიც ალბათ, საუკეთესო პრეცედენტი იქნება არამხოლოდ საქართველოსთვის, არამედ მთელი რეგიონისთვის

კონცეპტუალურად ნამდვილად არსებობს უკვე დეოლიგარქიზაციის შესახებ კანონპროექტის დამუშავებული ვერსია, რომელიც ალბათ, საუკეთესო პრეცედენტი იქნება არამხოლოდ საქართველოსთვის, არამედ მთელი რეგიონისთვის, - ამის შესახებ „სტრატეგია აღმაშენებლის“ თავმჯდომარე გიორგი ვაშაძემ ჟურნალისტებთან განაცხადა.

მისი თქმით, სწორედ ეს არის ერთ-ერთი მთავარი საკითხი, რომელზეც ოპოზიცია დახურულ კარს მიღმა ახლა მსჯელობს.

„მკაფიო კრიტერიუმები უნდა იყოს ჩამოწერილი როგორც ოლიგარქთან, ისე ოლიგარქიულ რეჟიმთან დაკავშირებით. დადგება დრო და თუ ამ კანონს არ მიიღებს და ალბათ, არ მიიღებს „ქართული ოცნება“, ჩვენ წინასწარ დასავლეთთან, მოქალაქეებთან შეთანხმებულ კანონს მივიღებთ და ყველა ზიანის, რაც ოლიგარქიულმა რეჟიმმა მიაყენა სახელმწიფოს, აღმოფხვრა და ამაზღაურება მოხდება. დეტალებზე ვერ ვისაუბრებ, მაგრამ ეს არ არის ერთი დღისთვის, ერთი კვირისთვის და ერთი განცხადებისთვის სამუშაო პროცესი. ეს არის შემდგომი წლების სამუშაო, რადგან ის ზიანი, რაც სახელმწიფომ მიიღო, იყოს აღმოფხვრილი. კანონს განვიხილავთ საერთო ეროვნული თვალსაზრისით, აქ ინიცირებას ვერ დავაჩქარებთ ისე, როგორც მართლმსაჯულებაზე და სხვა საკითხებზე. ერთი თვის მანძილზე იმდენად რთული სამუშაო იყო ამ კანონზე, რომ ვფიქრობ, აუცილებლად მოგვიწევს, კვალიფციურ სამოქალაქო სექტორთან დახურულ რეჟიმში მუშაობა, რადგან არის ადამიანის უფლებათა კომპონენტი, რომლის ტესტი უნდა გაიაროს ამ კანონმა. კონცეპტუალურად ნამდვილად არსებობს უკვე დამუშავებული ვერსია, რომელიც ვიტყოდი, რომ ალბათ, საუკეთესო პრეცედენტი იქნება არამხოლოდ საქართველოსთვის, არამედ მთელი რეგიონისთვის, სადაც ოლიგარქები აწუხებენ ქვეყანას და წინაღობას უქმნიან ქვეყნის განვითარებას“, - განაცხადა ვაშაძემ.

ცნობისათვის, პარლამენტში „ლელოს“, „სტრატეგია აღმაშენებლის“ და „ნაციონალური მოძრაობის“ დეპუტატები შეხვედრას მართავენ, სადაც დეოლიგარქიზაციაზე მსჯელობენ. დეოლიგარქიზაცია ევროკავშირის რეკომენდაციათაგან ერთ- ერთია.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა