ქვემო ქართლში სახელმწიფო რწმუნებული, გიორგი დოხტურიშვილი ბოლნისის მუნიციპალიტეტის მერთან, დავით შერაზადიშვილთან ერთად, სოფელ დისველის მოსახლეობას შეხვდა და ადგილობრივი მოსახლეობისგან სოფელში არსებული პრობლემების შესახებ ინფორმაცია მოისმინა. ამის შესახებ ინფორმაციას ბოლნისის მუნიციპალიტეტის მერია ავრცელებს.
მათი ცნობით, გიორგი დოხტურიშვილი მერთან ერთად მოსახლეობის საჭიროებებს ადგილზე გაეცნო, კერძოდ, ინფრასტრუქტურულ და სოციალურ საკითხებს და მოსახლეობის მოსაზრებები მოისმინა.
გიორგი დოხტურიშვილმა სოფელ დისველში მცხოვრებ ადგილობრივ მოსახლეობას სამომავლო გეგმები გააცნო და იმ საკითხებზე ისაუბრა, რომლებიც პრიორიტეტულია თითოეული ოჯახისთვის.
“სახელმწიფო რწმუნებულმა მოსახლეობას თანადგომა გამოუცხადა და შესაბამის სამსახურებთან შუამდგომლობას დაპირდა.
მოსახლეობასთან შეხვედრას სახელმწიფო რწმუნებულის მოადგილეები, ბოლნისის მუნიციპალიტეტის მერი დავით შერაზადიშვილი, ქვემო ქართლის მელიორაციის სამსახურის დირექტორი დავით კიკოლაიშვილი და გაერთიანებულის წყალმომარაგების ბოლნისის სერვისცენტრის დირექტორი გია ყიფიანი ესწრებოდნენ“,- ნათქვამია ინფორმაციაში.
