უკრაინა მარცვლეულით დატვირთულმა კიდევ ხუთმა გემმა დატოვა
უკრაინის პორტებიდან "მარცვლეულის დერეფნით“ კიდევ ხუთი გემი გავიდა. ინფორმაციას თურქეთის თავდაცვის სამინისტრო ,,ტვიტერის“ საკუთარ გვერდზე ავრცელებს.
"უკრაინიდან დღეს დილით მარცვლეულით დატვირთული კიდევ 5 გემი გაემგზავრა“, - ნათქვამია განცხადებაში.
აღნიშნულია, რომ გადაზიდვები გეგმის მიხედვით და სტამბოლის ერთობლივი საკოორდინაციო ცენტრის კონტროლით მიმდინარეობს.
2022 წლის 22 ივლისს სტამბოლში ხელი მოეწერა შეთანხმებას უკრაინის პორტების ოდესის, ჩორნომოვსკისა და იუჟნის განბლოკვის შესახებ მარცვლეულისა და სხვა სასოფლო-სამეურნეო პროდუქტების ექსპორტისთვის. უკრაინის ინფრასტრუქტურის მინისტრმა ალექსანდრე კუბრაკოვმა და რუსეთის თავდაცვის მინისტრმა სერგეი შოიგუმ გაეროსა და თურქეთთან ცალ-ცალკე იდენტური შეთანხმებები გააფორმეს.
